Модриќ е трансфер цел и на двата клуба од Манчестер, но „сините” ја дадоа првата конкретна понуда и по одбивањето се очекува да преземат нов чекор, нудејќи поголем износ. Официјалната понуда била дадена синоќа и била отфрлена од претседателот на Тотенхем Даниел Леви, кој се согласува со мислењето на менаџерот Хари Реднап дека најдобрите играчи треба да се задржат, а Модриќ е „незаменлив”. Цената на Хрватот може да достигне 30 милиони и сега со интерес се очекува реакцијата на Манчестер Сити и Манчестер Јунајтед. Челзи се убедени дека Модриќ ќе стане важен дел од нивните идни планови. Играчот за врска на Тотенхем има договор до 2016 година, добива по 40.000 фунти неделно и се очекува Челзи да се обидат да го доведат во нивните редови за двојно повисоко плата.

Меѓутоа менаџерот на ’топџиите’ Арсен Венгер е категоричен во ставот дека и двајцат сигурно ќе останата на „Емирати“,а притоа го потврди и ангажманот на Жервињо во Лил.

Венгер зборувајќи на пресконференција во Куала Лумпур рече:

„Жервињо денеска започнува со тренинзи во Лондон.Тој потпиша минатиот четврток, и штотуку се врати од одмор“, потврди Венгер и додаде:

„Очекувам Самир Насри да остане. Секогаш има шпекулации, но тој во овој момент е верен на клубот. Тој е многу среќен во Арсенал. Се надевам дека ќе стави потпис на нов договор, но за ова не одлучувам само јас“.

Околу иднината на Цеск Фабрегас, кој не отпатува на турнејата во Азија поради мала повреда, Венгер рече:

„Знаеме дека Цеск го сака Арсенал и се надеваме дека тој ќе биде тука и следната сезона. Со години трае сторијата дека тој ќе се врати во Барселона и потребно е да ставиме крај на тоа. Никогаш не зборувам за работи кои се случиле зад затворена врата. На медиумите им дадов доволно информации за топ стории и не сакам да додадам ништо повеќе“, заврши Венгер.